Warasati Ghar Mein Rehnay Walay Bhaiyon Ke Zimmah Bijli o Gas Ke Baqaya Bill Ka Shar‘i Hukum

Question

کیا فرماتے ہیں علمائے کرام اس مسئلے کے متعلق کہ والدین کا انتقال ہوا ،انہوں نے وراثت میں ایک گھر چھوڑا ان کی حیات میں اس گھر کا بجلی او رگیس کا بل ہر ماہ ادا کیا جاتا تھا ،چونکہ والد کا پہلے ہی ہوگیا تھا،لیکن والدہ کے انتقال کے بعد اس گھر میں فقط بھائی رہنے لگے باقی بہنیں اپنے اپنے گھروں میں رہتی ہیں ،بھائیوں نےتقریباً دس سال کے اس دورانیہ میں بجلی اور گیس کے بل ادا نہیں کیئے جو دس لاکھ تک پہنچ چکے ہیں،اب بھائیوں کا کہنا ہے کہ یہ دس لاکھ بھی گھر کی کل قیمت سے سے منہا ہونگے ہم اکیلے بھائی اس ک...

ابوحذیفہ محمد ابراہیم سکندری · Accepted Answer

پوچھی گئی صورت میں حکمِ شرع یہ ہے کہ مذکورہ بجلی کا بل ان ورثاء (بھائیوں)کے ذمہ لازم الاداء ہوگا جو مرحومہ والدہ کی وفات کے بعد متروکہ مکان میں سکونت پذیر رہے اور اس سے انتفاع کرتے رہے ہیں، اس لیے اس بل کی رقم کو ترکہ سے منہا کرنا درست نہیں۔ البتہ اگر مرحومہ کے تمام دیگر شرعی ورثاء باہمی رضامندی سے اس بات کی اجازت دے دیں کہ مذکورہ بل کی ادائیگی ترکہ کی رقم سے کر دی جائے تو ایسی صورت میں ترکہ میں سے اس کی ادائیگی کی گنجائش ہوگی، کیونکہ باہمی رضامندی سے اپنے اپنے حقوق سے دستبردار ہونا شرعاً جائز ہے۔ سنن الترمذی کی حدیثِ مبارکہ ہے: "عَنْ عَائِشَةَ، أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَضَى أَنَّ الخَرَاجَ بِالضَّمَانِ" ترجمہ: حضرت عائشہ رضی اللہ عنہاسے روایت ہے کہ رسول اللہ ﷺ نے یہ فیصلہ فرمایا کہ “نفع اسی کا حق ہے جو نقصان کی ذمہ داری اٹھائے۔ امام ترمذی علیہ الرحمہ فرما...