Tarkah ki Taqseem ma‘a Qarz ki Adaigi

Question

کیا فرماتے ہیں علمائے کرام مندرجہ ذیل مسئلہ کے متعلق کہ مرحوم شبیر احمد کی کل جائداد چھپن لاکھ (5600000) روپے ہے ،ورثاء میں ایک بیوہ ،تین بیٹے اور چھ بیٹیاں ہیں ،جبکہ مرحوم پر کل قرضہ پانچ لاکھ(500000) روپے ہے ،لہذا اس کے متعلق تحریری طور پر رہنمائی فرمائیں کہ ہر ایک وارث کا کتنا حصہ بنے گا؟ بینوا توجروا!

ابوحذیفہ محمد ابراہیم سکندری · Accepted Answer

پوچھی گئی صورت کا حکمِ شرع یہ ہے کہ اگر سائل اپنے بیان میں سچا ہے اور مرحوم شبیر احمد کے وہی ورثاء ہیں جو سوال میں مذکور (بیوہ،تین بیٹے،چھ بیٹیاں) ہیں تومرحوم کے کفن دفن کے اخراجات نکالنے ، اور مرحوم کے اوپر پانچھ لاکھ روپے قرض کو ادا کرنے اور اگر کسی غیر وارث کے لیے وصیت کی ہو تو اس کو تہائی مال سے پورا کرنے کے بعد مرحوم کےبقایا کل ترکہ اکاون لاکھ (5100000 )روپے اور اس کے سوا اگراس کی ملکیت میں کوئی اور سامان یا جائداد وغیرہ یا کیش پیسے ہیں تو ان سب کے کل 96 حصے کیئے جائیں گے۔جن میں سے مرحوم کی اہلیہ کو 12 حصے(637،500)،سب بیٹوں کو 42 حصے(2،231،250) جن میں سے ہر ایک بیٹے کو 14 حصے(743،750) ملیں گے۔اور بقیہ 42 حصے (2،231،250) مرحوم کی 6 بیٹیوں میں سے ہر ایک کو 7 حصے (371،875)ملیں گے۔ السراجی فی المیراث میں ہے: " تتعلق بتركة المیت حقوق اربعة مرتبة:الاول یبدا بتکفینه وتجهیزه من غیر تبذیر ...