Talaq-e-Sareeh aur Samjhane ke Dauran Talaq ke Alfaz Istemal Na Karne se Talaq ka Hukm

Question

کیا فرماتے ہیں علمائے کرام اس مسئلے کے متعلق کہ ہم میاں بیوی کا آپس میں تھوڑا بہت جھگڑہوا اسی دوران میں نے اپنی بیگم کو کہا کہ"میں آپ کو طلاق دیتا ہوں" تو بیگم نے فوراً کہا کہ یہ کیا کہہ دیا ہے؟ تو میں نے کہا کہ اس طرح سے طلاق نہیں ہوتی بلکہ طلاق اس طرح ہوتی ہے کہ میں کہوں "میں حمزہ شکیل آپ کو پورے ہوش وحواس میں دیتا ہوں ،دیتا ہوں دیتا ہوں "اس آخری سمجھانے والے جملہ میں طلاق کا لفظ استعمال نہیں کیا،لہذا اس سے کتنی اور کون کون سی طلاق واقع ہوئی ہے۔بینوا توجروا! نوٹ:اس مکمل بیان کی سائل کی اہلی...

ابوحذیفہ محمد ابراہیم سکندری · Accepted Answer

پوچھی گئی صورت کا حکمِ شرع یہ ہے کہ اگر آپ نے اس سے پہلے اپنی بیوی کو کوئی طلاق نہیں دی ،تو آپ کی بیوی پر ایک طلاق رجعی واقع ہوگئی ہے ، اس لیے کہ آپ کا اپنی اہلیہ کو یہ کہنا " میں آپ کو طلاق دیتا ہوں "یہ صریح طلاق کے الفاط ہیں ، ان سے بلا نیت بغیر ارادہِ طلاق کے بھی طلاق واقع ہو جاتی ہے،لہٰذاآپ کی بیوی پرایک طلاق رجعی واقع ہوگئی ہے۔ بعد ازاں شوہر نے بطورِ مثال یا سمجھانے کے جو یہ الفاظ کہے کہ:طلاق اس طرح ہوتی ہے کہ میں کہوں"میں حمزہ شکیل آپ کو پورے ہوش و حواس میں دیتا ہوں، دیتا ہوں، دیتا ہوں"تو چونکہ اس جملۂ اخیر میں لفظِ طلاق استعمال نہیں کیا گیا،نیز یہ الفاظ بطور انشاء نہیں کہے گئے،اس لیے ان الفاظ سے کوئی نئی طلاق واقع نہیں ہوئی، بلکہ صرف پہلی ایک طلاقِ رجعی ہی واقع ہوئی ہے۔ طلاق رجعی کا حکم یہ ہے کہ شوہر کو عورت کی عدت یعنی جس ماہواری میں طلاق دی اس کے علاوہ تین ماہواریاں گزرنے سے ...