Main Ne Apni Biwi Ko Farigh Kar Diya" Kehne Se Talaq Ka Hukm

Question

کیا فرماتے ہیں مفتیان ِ دین اس مسئلے کے بارے میں کہ میں (آصف محمود) کچھ دن قبل کرونا وائرس کا شکار ہوا ،اس کی وجہ سے دماغ پر اتنا اثر پڑا کہ میں نے اپنی بیوی کو اس کے میکے بھیج دیا اور اپنے کسی رشتہ دار کو فون پر بات کرتے ہوئے کہا" میں نے اپنی بیوی کو فارغ کردیا" اور میری بیوی کو اس بات کا ابھی تک علم نہیں ،تو کیا اس صورت میں طلاق واقع ہوگئی اگر طلاق واقع ہوگئی ،تو میرے لیئے حکمِ شرع کیا ہوگا؟ بینوا توجروا!

ابوحذیفہ محمد ابراہیم سکندری · Accepted Answer

پوچھی گئی صورت میں اگر آپ نے اس سے پہلے اپنی بیوی کو کوئی طلاق نہیں دی ،تو آپکی اہلیہ پر ایک طلاق رجعی واقع ہوگئی ہے ، اس لیے کہ آپکا یہ کہنا " میں نے اپنی بیوی کو فارغ کردیا "یہ ملحق بالصریح طلاق کے الفاظ ہیں ، اور صریح طلاق کے الفاظ سے بلا نیت بغیر ارادہِ طلاق کے بھی طلاق واقع ہو جاتی ہے،لہٰذاآپ کی اہلیہ پر ایک طلاق رجعی واقع ہوگئی ہے ۔ ،اگرچہ نرا جھوٹا اقرار تھا اور طلاق کی نیت نہیں تھی کہ طلاق کا جھوٹا اقرار کرنے سے بھی قضاء ً طلاق واقع ہوجاتی ہےاور صریح طلاق میں نیت کی ضرورت نہیں،چونکہ رجعی طلاق ہوئی ہے ، اگر آپکی زوجہ کی عدت نہیں گزری ،تو آپ کو رجوع کا اختیار ہے ۔ طلاق رجعی کا حکم یہ ہے کہشوہر کو عورت کی عدت یعنی جس ماہواری میں طلاق دی اس کے علاوہ تین ماہواریاں گزرنے سے پہلے پہلے رجوع کرنے کااختیار ہے۔ اور رجوع یہ ہے کہ شوہر گواہوں کے سامنے کہے کہ میں نے اپنی بیوی کونکاح میں واپس...