Sareeh Alfaaz Se Do Talaq Di To Talaq Ka Hukum

Question

کیا فرماتے ہیں علماءِ دین و مفتیانِ شرع ِمتین اس مسئلے کے متعلق کہ ایک مرد اپنی عورت کو بولتا ہےکہ میں نے آپ کو طلاق دی،طلاق دی یہ الفاظ دو مرتبہ بولے اب عرض یہ ہے کہ اب دوبارہ وہ رجوع کرنا چاہتا ہے کیا وہ رجوع کرسکتا ہے یا نیا نکاح کرنا ضروری ہے؟ سائل:حافظ محمد یعقوب،لیہ پنجاب

ابوحذیفہ محمد ابراہیم سکندری · Accepted Answer

پوچھی گئی صورت میں اگر اس نے اس سے پہلے اپنی بیوی کو کوئی طلاق نہیں دی، تو اس کی بیوی پر دو طلاق رجعی واقع ہوگئی ہیں ، اس لیے کہ شوہرکا دو بار یہ کہنا " میں نے آپ کو طلاق دی، طلاق دی "یہ صریح طلاق کے الفاط ہیں ، ان سے بلا نیت بغیر ارادہِ طلاق کے بھی طلاق واقع ہو جاتی ہے،لہٰذااس کی بیوی پر دو طلاق رجعی واقع ہوگئی ہیں،عدت کے اندر اندر رجوع کرسکتا ہے از سر نکاح کی ضرورت نہیں ۔ طلاق رجعی کا حکم یہ ہے کہ شوہر کو عورت کی عدت یعنی جس ماہواری میں طلاق دی اس کے علاوہ تین ماہواریاں گزرنے سے پہلے پہلے رجوع کرنے کا اختیار ہے۔ اور رجوع یہ ہے کہ شوہر گواہوں کے سامنے کہے کہ میں نے اپنی بیوی کونکاح میں واپس کیا ،یا اپنی بیوی سے جسمانی تعلق قائم کرلے تو رجوع ہو جائے گا۔اور اب میاں بیوی دونوں کو بہت احتیاط سے رہنا ہوگا کہ اب شوہر کو صرف ایک طلاق کا حق حاصل ہو گا خدانخواستہ اگر زندگی میں کبھی بھی ایک طلا...