Main Tumhein Talaq" Kehne se Talaq ka Hukm

Question

کیا فرماتے ہیں علماءِ دین و شرعِ متین اس مسئلہ کے متعلق کہ میں نے اپنی منکوحہ کو فون پر اتنا کہا"میں تمہیں طلاق"بس اتنا کہہ کر خاموش ہوگیا کیا اس صورت میں طلاق واقع ہوگی یا نہیں شرعی طور پر رہنمائی فرمائیں ؟بینوا توجروا! سائل: محمد رفیق نوٹ: بیوی کا بیان بھی یہی ہے کہ شوہر نے بس اتناکہاتھااس سے زیادہ کچھ نہیں کہا۔ اور لڑائی کے درمیان یہ کہاتھا لیکن اس سے پہلے کوئی طلاق کی بات یا طلاق کا مطالبہ وغیرہ نہیں تھا۔ اور شوہر حلفاً اقرار کر رہا ہے کہ میری اس سے طلاق کی کوئی نیت نہیں تھی میں نے صرف بی...

محمد الطاف چشتی · Accepted Answer

پوچھی گئی صورت کا حکم شرعی یہ ہےکہ آپ کی بیوی پر کوئی طلاق واقع نہیں ہوئی اور وہ بدستور آپ کے نکاح میں موجود ہے۔ اس کی تفصیل یہ ہے کہ طلاق کے واقع ہونے کےلئے ضروری ہے کہ شوہر بیوی کی طرف نسبت کرتےہوئے طلاق کا باقاعدہ انشاء (ایساکلام جو کسی حکم یا عمل کو وجود میں لائے) جیسے(میں تمہیں طلاق دیتاہوں ،طلاق دی )یا اقرار(ایساکلام جو پہلے سے موجود کسی واقعہ کی خبر دے یااعتراف کرے)جیسے(میں اپنی بیوی کو طلاق دے چکا ہوں ،طلاق دی تھی ) کرے جبکہ مذکورہ الفاظ "میں تمہیں طلاق " میں اگر چہ بیوی کی طرف اضافت موجود ہے لیکن یہ انشاءِ طلاق ہے نہ اقرارِ طلاق کیونکہ اس کےساتھ کوئی ایسا لفظ نہیں بولا جو طلاق کے وقوع پر دلالت کرےاور وقوعِ طلاق کےلئے ایقاعِ طلاق ضروری ہے ورنہ ہر طلاق کے تلفظ کرنے والے کی بیوی کو طلاق واقع ہوجائے گی ۔ ردالمحتار علی الدر المختار میں ہے: " الطلاق لا یکون الا انشاء" ترجمہ: طلاق وا...