"‘Main tumhein talaq deta hoon, to mere tan par haram hai’ kehne se talaq ka hukm."

Question

کیا فرماتے ہیں علماء کرام اس مسئلے کے متعلق کہ: محمد اکبر نے بذریعہ وائس میسج اپنی بیوی سے کہا: "میں اپنے ہوش و حواس میں ہو کر تجھے طلاق دیتا ہوں۔ میرے تن پر تو حرام ہے۔ میں تجھے طلاق دیتا ہوں، تو میرے تن پر حرام ہے۔ میں تجھے طلاق دیتا ہوں، تو میرے تن پر حرام ہے۔ جا، تو مجھ سے آزاد ہے۔" صورتِ مسئولہ میں مذکورہ الفاظ سے کون سی اور کتنی طلاقیں واقع ہوں گی؟ نیز "میرے تن پر تو حرام ہے" اور "جا، تو مجھ سے آزاد ہے" کے الفاظ کا شرعی حکم کیا ہے؟ بینوا تؤجروا

ابوحذیفہ محمد ابراہیم سکندری · Accepted Answer

پوچھی گئی صورت میں محمد اکبر کی بیوی پر تین طلاق مغلظہ واقع ہوچکی ہیں ، لہذا اس کی بیوی حرمت ِ مغلظہ کے ساتھ اپنے شوہر پر حرام ہوچکی ہے۔ طلاق دینے کا سنت طریقہ یہ ہے کہ ہر طہر میں (یعنی عورت جب مخصوص ایام سے فارغ ہوجائے)ایک طلاق دے۔تین طلاق اکھٹے دینا اس حکم شرعی کے مخالف اور گناہ ہے ۔اس پر شوہر کواس گناہ سے توبہ کرنا واجب ہے،اب بغیر حلالہ شرعی کے ایک دوسرے پر حرام ہیں۔تحلیل ِ شرعی کامطلب یہ ہے کہ جس عورت کو اس کے شوہر نے تین طلاقیں دے دی ہوں وہ عدت (یعنی تین ماہواری ) گزارنے کے بعد دوسرے مرد سے نکاح ِ صحیح کرےاور کم ازکم ایک بار جسمانی تعلق قائم ہونے کے بعدوہ اس کو طلاق دے اورپھر اسکی عدت گذارنے کے بعد پہلے شوہر سے نکاح کر سکتی ہے ۔ اس کی تفصیل یہ ہےکہ شوہر کا اپنی بیوی کو یہ کہنا کہ " تجھےطلاق ديتاہوں" یہ صریح طلاق کے الفاط ہیں ، ان سے بلا نیت بغیر ارادہِ طلاق کے بھی طلاق واقع ہو جات...