stamp paper par tehreeri talaq ka hukm

Question

الاستفتاء:کیا فرماتے ہیں علماءِ دین و شرعِ متین اس مسئلہ کے متعلق کہ عمیر وحید نے اپنی بیوی کو طلاق نامہ پر تحریری طلاق دی لہذا شرعی طور پر رہنمائی فرمائیں کہ یہ طلاق واقع ہوئی یا نہیں؟ اور اگرطلاق واقع ہوگئی تو کتنی واقع ہوں گی؟ بینوا توجروا! سائل: محمد اختر نوٹ: طلاق نامہ اسٹامپ پیپر پر ہےاور اس میں تین طلاقیں مذکور ہیں ۔نیز اس پر دستخط بھی موجود ہیں اور شوہر اس بات کا اقرار کر رہا ہے کہ یہ دستخط میرے ہیں۔

محمد الطاف چشتی · Accepted Answer

پوچھی گئی صورت کا حکم ِشرع یہ ہےکہ عمیر وحید کی بیوی پر تین طلاقیں واقع ہوچکی ہیں اور بیوی تین طلاقِ مغلظہ کےساتھ شوہر پر حرام ہوچکی ہے اور اور اب بغیر حلالہ شرعیہ کے ان کا ایک ساتھ رہنا ناجائز و سخت گناہ اور حرام ہے۔ اس کی تفصیل یہ ہے کہ تحریری طلاق کی اولاً دو صورتیں بنتی ہیں :1)مستبینہ (جس کو پڑھا جاسکے ) 2)غیرِ مستبینہ(جس کو نہ پڑھا جائے ) جیسے ہوا یا پانی وغیرہ پر لکھنا اگر غیرِ مستبینہ ہوتو اگر چہ نیت بھی کر لے طلاق واقع نہیں ہوگی کیونکہ طلاق کےلئے حقیقتاً یا حکماً لفظ شرط ہے اور غیرمستبینہ نہ حقیقتاً لفظ ہے اور نہ ہی حکماً لفظ ہے اور اگر مستبینہ (جس کو پڑھا جاسکے) ہے تو اس کی بھی دو صورتیں بنتی ہیں :1)مرسومہ 2)غیرِ مرسومہ ۔اگر مستبینہ مرسومہ (جس کو پڑھا جائے ،عرف کے مطابق ) ہو تو یہ صریح کے حکم میں ہے اس کے لئے نیت ضروری نہیں ہوتی اورا گر مستبینہ غیرِ مرسومہ ( پڑھی جانے والی ،عر...