sabiqa-mamati-aqaid-se-taib-khatoon-ki-tauba-aur-us-se-nikah-ka-hukm

Question

ایک شخص ایک ایسی خاتون سے نکاح کرنا چاہتا ہے جس کا سابقہ تعلق مماتی مسلک سے رہا ہے۔ مذکورہ خاتون اب حلفاً اپنے سابقہ مماتی عقائد سے براءت کا اظہار کرتی ہے اور کہتی ہے کہ وہ ان عقائد کو درست نہیں سمجھتی، بلکہ اہلِ سنت والجماعت کے عقائد کو حق سمجھتی ہےکیا ایسی خاتون سے نکاح کرنا شرعاً جائز ہے؟ کیا سابقہ مماتی نسبت کی وجہ سے نکاح میں کوئی شرعی ممانعت باقی رہتی ہے، یا موجودہ صحیح عقیدہ اور سابقہ عقائد سے براءت معتبر ہوگی؟

محمدعلی رضا قادری رضوی · Accepted Answer

پو چھی گئی صورت کا حکم شرع یہ ہے کہ ایسی خاتون ( جو تین مرد اور دو عورتوں کے سامنے سابقہ مسلک (مماتی) سے براءتاظہار کرتی ہے اور عورت کا یہ موجودہ حال ان تمام پر واضح ہو چکا ہے جو پہلے اس کو مسلک( مماتی) کی حیثیت سے جانتے تھے اور یہ عورت عادی مجرم بھی نہیں ہے اس) سے نکاح کرنا شرعاً جائز ہے کیونکہ نکاح کے انعقاد میں سابقہ نسبت کی وجہ سے کوئی شرعی رکاوٹ باقی نہیں ۔ اسکی تفصیل یہ ہے کہ شریعت کا یہ مسلمہ قاعدہ ہے کہ جب کوئی شخص کفر یا گمراہی سے توبہ کر کے اسلام اور عقیدہ حقہ (اہلِ سنت وجماعت) کو قبول کر لیتا ہے اور اپنے سابقہ باطل عقائد سے برأت کا اعلان کر دیتا ہے اور آئندہ اس فعل (جس سے توبہ کی ہے ) کو نہ کرنے کا عہد کر لیتا ہے ، تو اس کا ظاہری اقرار اور توبہ معتبر مانی جاتی ہے چونکہ توبہ سے سابقہ تمام گناہ اور باطل نظریات کا اثر ختم ہو جاتا ہے۔مزید برآں، جب کوئی شخص اپنے عقائدِ باطلہ سے ت...