Talaq Ke Baghair Doosre Shakhs Se Nikah Karne Aur Is Nikah Se Paida Hone Wali Aulad Ke Nasab Ka Hukm

Question

کیا فرماتے ہیں علماءِ دین وشرع متین اس مسئلہ کے متعلق کہ میرا نام نسیم ہے میں پاپوش کا رہائشی ہوں میرے تین بیٹے ہیں، میری بیوی نے مجھ سے طلاق و خلع لئے بغیر کسی اور سے نکاح کر لیا اور دوسرے شوہر کو پہلے نکاح کا علم بھی ہے اس کو گھر سے گئے ہوئے دو سال گزر گئے ہیں اور اب اس شوہر سے ایک بیٹا بھی ہے اور وہ اس دوران مجھ سے ملنے بھی آتی رہی ہے لیکن اس پہ جادو ٹونا کروایا گیا تھا اس نے میری بات نہیں مانی میں بہت پریشان ہوں اور اس کو واپس لانا چاہتاہوں اس کا شرعی حکم کیا ہے بیان فرمائیں ؟بینواتوجروا!

محمد الطاف چشتی · Accepted Answer

پوچھی گئی صورت میں حکمِ شرع یہ ہے کہ دوسرا نکاح اصلاً منعقد ہی نہیں ہوا اورو ہ عورت پہلے کی طرح زوجِ اول کے نکاح میں موجودہے اوران(دوسرے شوہراور عورت )کا آپس میں ازدواجی تعلقات قائم کرنا زنا، ناجائز وگناہ اور حرام ہے اور اس بچے کا نسب زوج اول سے ثابت ہوگا ۔ اس کی تفصیل یہ ہے کہ جب عورت نے زوجِ اول سے طلاق یا خلع لئے بغیر زوجِ ثانی سےنکاح کیاہے اور زوجِ ثانی کو اس عورت کا دوسرے کی منکوحہ(نکاح میں ) ہونے کا علم ہونے کی وجہ سے دوسرا نکاح باطل ( اصلاً منعقد ہی نہیں ہوا ) ہےلہذا بیویبدستور زوجِ اول کے نکاح میں موجود ہے اور ان (دوسرے شوہراور عورت )کا آپس میں ازدواجی تعلقات قائم کرنا زنا،ناجائز وگناہ اور حرام ہے اور ان کے درمیان تفریق کرنا واجب ہے اور تفریق کے بعدعدت گزارے بغیر زوجِ اول اس عورت سے وطی کر سکتاہے ۔ اور اسنکاحِ ثانی سے پیدا ہونے والا بچہ زنا سے پیدا ہونے والے کے حکم میں ہےاور زن...