ahl-e-tashayyu-ke-sath-nikah-karne-ka-hukm

Question

کیا فرماتے ہیں علماء دین اس مسئلہ کے بارے میں کہ میرے لیے جو رشتہ آیا ہے وہ اہلِ تشعی گھرانے سے تعلق رکھتا ہے ،آپ سے میری درخواست یہ ہے کہ مجھے استخارہ کرکے بتائیں کیا یہ رشتہ میرے حق میں بہتر ہے یا نہیں؟ اگر میں یہاں شادی کروں تو وہ بہتر ہوگی یا نہیں؟ جواب عنایت فرمائیں عین نوازش ہوگی ۔ بینوا توجروا!

ابوحذیفہ محمد ابراہیم سکندری · Accepted Answer

صورتِ مسئولہ میں استخارہ کرنا درست نہیں ،اس لیے کہ استخارہ ایک مشہورہ ہے جو جائز کام کے لیے کیا جاتا ہے،نہ کہ ناجائز و حرام کام کے لیے ، اور شیعوں کے ساتھ نکاح کے جائز یاناجائز ہونے کو جاننے سے پہلے شیعوں کے عقائد کو جاننا ضروری ہے کیونکہ فاسد اور باطل عقائد کے اعتبار سے اہل ِ تشیع کی بنیادی طور پر تین اقسام ہیں۔ اوّل(1) :’’ غالی ‘‘یہ بالاتفاق کافر ہیں ۔دُوم(2): ’’ تبرائی ‘‘یہ فقہاء کرام کے نزدیک کافر ہیں ۔سِوُم(3) : ’’ تفضیلی ‘‘یہ کافر تو نہیں مگر بدمذہب و گمراہ ہیں۔ فتاویٰ رضویہ میں امام اہلسنت امام احمد رضا خان علیہ رحمۃ الرحمٰن فرماتے ہیں: شیعہ تین قسم ہیں ۔ اوّل’’غالی‘‘کہ منکر ِضروریات دین ہوں مثلاً قرآن مجید کوناقص بتائیں، بیاض عثمانی کہیں ۔ یا حضرت جناب امیر المومنین مولی علی کرم اللہ تعالیٰ وجھہ الکریم خواہ دیگر ائمہ اطھار رضوان اللہ تعالیٰ علیم اجمعین سے کسی کو انبیائے سابقین ...