"Raza'i walidain aur saas sasur ko zakat dene ka hukm."

Question

کیا فرماتے ہیں علمائے کرام اس مسئلے کے متعلق کہ رضاعی والدین یا ساس اور سسر کو زکوٰۃ دے سکتے ہیں ؟ بینوا توجروا!

ابوحذیفہ محمد ابراہیم سکندری · Accepted Answer

صورتِ مسئولہ میں حکمِ شرع یہ ہے کہ رضاعی والدین، رضاعی اولاد، اور سسرالی رشتے جیسے ساس، سسر، داماد اور بہو وغیرہ اگر شرعاً مستحقِ زکوٰۃ ہوں، یعنی فقیر ہوں اور ان میں کوئی مانعِ زکوٰۃ (مثلاً ہاشمی ہونا وغیرہ) موجود نہ ہو، تو انہیں زکوٰۃ اور دیگر صدقاتِ واجبہ (جیسے صدقۂ فطر، کفارات وغیرہ) دینا جائز ہے۔ اس کی وجہ یہ ہے کہ رضاعت اور مصاہرت کا اثر صرف حرمتِ نکاح کے باب میں ہوتا ہے، جبکہ دیگر مالی و معاشرتی احکام میں ان رشتوں کا حکم اجنبیوں کی طرح ہوتا ہے۔ چنانچہ رضاعی اور سسرالی رشتوں کے درمیان نہ تو وراثت ثابت ہوتی ہے، نہ نفقہ واجب ہوتا ہے اور نہ ہی دیگر مالی حقوق ثابت ہوتے ہیں، بلکہ فقہاء نے تصریح کی ہے کہ رضاعی والدین اور ساس و سسر کے حق میں گواہی بھی مقبول ہوتی ہے۔ اس سے واضح ہوتا ہے کہ ان رشتوں کا تعلق صرف حرمتِ نکاح تک محدود ہے، لہٰذا جب رضاعی والدین یا ساس اور سسر مستحقِ زکوٰۃ ہوں ت...