Apne Bete ya Pote ko Zakat Dene ka Hukm

Question

کیا فرماتے ہیں علماء دین اس مسئلے میں کہ ایک شخص نے علم ِ دین نہ ہونے کی وجہ سے اپنی زکوٰۃ اپنے بیٹے کو دے دی ،تو اس کے متعلق سوال یہ ہے کہ اپنے اصول و فروع کو زکوٰۃ دے سکتا ہے یا نہیں؟ اور وہی شخص اپنے زکوٰۃ کے پیسوں سے اپنے پوتوں کو دینی کتابیں لے کر دینا چاہتا ہے ،تو وہ کس صورت میں لے کر دے سکتا ہے ؟ ازراہِ کرم رہنمائی فرمائیں! بینوا توجروا!

ابوحذیفہ محمد ابراہیم سکندری · Accepted Answer

پوچھی گئی صورت میں مذکورہ شخص کا اپنے بیٹے کو زکوٰۃ دینے پر شرعاً زکواۃ ادا نہیں ہوئی ،اس کو دوبارہ ادا کرنا ضروری ہے۔اس لیے کہ اپنے عزیزو اقارب میں سے اپنے اصول یعنی سگے والدین ،دادا ،دادی یا نانا ، نانی میں سے اوپر تک کو زکوٰۃ نہیں دی جاسکتی۔ اسی طرح اپنے فروع یعنی اپنی سگی اولاد یا ان کی اولاد یا ان کی اولاد در اولاد(پوتے ،پر پوتے ،نواسے ،پر نواسے نیچے تک) کو زکوٰۃ نہیں دی جاسکتی۔ نیزمیاں بیوی بھی آپس میں ایک دوسرے کو زکوٰۃ نہیں دے سکتے، ان تین رشتوں کے علاوہ خاندان کے وہ افراد جو مستحقِ زکوٰۃ ہوں یعنی ان کے پاس ساڑھے باون تولہ چاندی یا اس کے مساوی(برابر) نقدی یا کچھ سونا کچھ چاندی جس کی مالیت ساڑھے باون تولہ چاندی کی قیمت کے مساوی ہو یا ضرورت سے زائد اتنا سامان نہ ہو جس کی مالیت ساڑھے باون تولہ چاندی کے مساوی ہواور وہ ہاشمی بھی نہ ہوں اور غنی کے نابالغ بچے بھی نہ ہو ،تو ان کو زکوٰۃ...