Nasha Awar/Sukoon Awar Capsule ki Halat mein Talaq ke Alfaz Kehne ka Shar'i Hukm

Question

کیا فرماتے ہیں علمائے کرام اس مسئلے کے متعلق کہ ایک عورت کا بیان ہے کہ اس کے شوہر نے جان بوجھ کر نشہ / سکون آور کیپسول کھایا ہوا تھا، اسی حالت میں لڑائی جھگڑا کیا، مارا پیٹا اور سرائیکی زبان میں کہا: " تیکوں طلاق" (یعنی تجھے طلاق)۔اس کے بعد کچھ دیر مزید جھگڑا کیا، گالیاں دیں، گھر والوں نے روکنے کی کوشش کی، چار پائی الٹ دی، کپڑے پھاڑنے لگا، پھر ایک طرف منہ کر کے بیٹھ کر تین مرتبہ کہا: "طلاق، طلاق، طلاق"۔ شوہر کا بیان ہے کہ میں نے سکون آور / نشہ آور کیپسول کھایا ہوا تھا اور اس حالت میں مجھے معل...

ابوحذیفہ محمد ابراہیم سکندری · Accepted Answer

پوچھی گئی صورت میں اگر شوہر نے اس سے پہلے اپنی بیوی کو کوئی طلاق نہیں دی،تو مذکورہ صورت میں ایک طلاق ِ رجعی واقع ہوچکی ہے،اس لیے کہ شوہرکا اپنی بیوی کو یہ کہناکہ"تیکوں طلاق ،یعنی تجھے طلاق"یہ صریح طلاق کے الفاط ہیں ، ان سے بلانیت اور بغیر ارادہِ طلاق کے بھی طلاق واقع ہو جاتی ہے۔ مذہب مختار اور مفتی بہ قول کے مطابق حالت نشہ میں دی گئی طلاق ایک ہو یا زیادہ بہر حال واقع ہو جاتی ہیں۔ شرع مطہرہ نے یہ حکم زجرا قصد معصیت اور بتقاضہ حکمت و مصلحت کے قائم فرمایا کہ اوروں کو معلوم ہو جائے کہ ارادہ و قصد سے معصیت اختیار کرنے والے نشہ میں بدحواس شخص کی بھی طلاق واقع ہو جاتی ہے۔ اس کی تفصیل یہ ہے کہ نشے کی حالت میں بھی طلاق واقع ہو جاتی ہے جبکہ بلا اکراہِ شرعی شراب وغیرہ نشہ آور اشیاء سے نشہ کیا ہو اور دوا کے طور پر بھی نہ ہو۔مذہب مختار اور مفتی بہ قول کے مطابق حالت نشہ میں دی گئی طلاق ایک ہو یا زیا...