Aurat ko Shadi par Milne Wale Jahez aur Tohafay ka Hukm

Question

کیا فرماتے ہیں علماءِ دین و شرعِ متین اس مسئلہ کے متعلق کہ دلہن کو شادی کے موقع پر دولھا اور میکے والوں کی طرف سے جو تحائف اور زیورات ملتے ہیں اس کا مالک کون ہے اور اگر دولھااس کو باہمی رضا مندی سے کاروبار میں خرچ کر دے تو طلاق کے بعد اس کے واپس کرنے کے بارے میں کیا حکم ہے،جبکہ یہ سونا مہر کے طور پر نہ تھا قرآن وحدیث اور فقہ حنفی کی رو سے اس کا جواب عنایت فرمائیں؟ بینوا توجروا!

محمد الطاف چشتی · Accepted Answer

پوچھی گئی صورت کا حکمِ شرع یہ ہے کہ عورت کو میکے کی طرف سے ملنے والا جہیز عورت کی ملکیت ہے کیونکہ ہمارے عرف میں میکے کی طرف سے ملنے والے جہیز کو عورت کی ملکیت شمار کیاجاتاہے البتہ جو دولھے والوں کی طرف سے دلہن کومنہ دکھائی یا تحائف وغیرہ دئیے جاتے ہیں اس کی تین صورتیں بنتی ہیں ۔ 1۔جیولری دینے والے نے ملکیت یا عدم ملکیت کی صراحت کی ہو یعنی واضح طور پر مالک کر دیا ہومثلاً کہہ دیا ہو کہ میں نے آپ کی ملک کیا ،آپ کو تحفہ میں دیا یا واضح طور پر کہا ہوکہ یہ بطور عاریت ہے ۔ 2۔جیولری دینے والے نے کچھ نہ کہا ہو مگر وہاں کا عرف یہ ہو کہ اس قسم کا جو بھی تحفہ دیاجاتاہو وہ اس ہی کی ملکیت سمجھاجاتاہو تو اس صورت میں بھی وہ چیز دلہن ہی کی ہے کیونکہ یہ ہبہ مانا جائےگااور اگر وہاں کا عرف اس کے بر خلاف ہو کہ وہاں اس کو عورت کی ملک تسلیم نہ کیاجاتاہوتو وہ عورت کی ملک نہیں ہوگا اس کو بطورِ عاریت شمار کیا...