Betiyon Ka Walidah Se Zindagi Hi Mein Hissa Mangna Kaisa Aur Apna Hissa Apni Zindagi Mein Kisi Ko Gift Dena Kaisa?

Question

میری والدہ کا ایک مکان ہے اس مکان میں سے والدہ نے ایک تہائی حصہ بڑے بھائی کو دیا ہےاور باقی دو حصے میں والدہ اور میں رہتا ہوں ۔اب میری بہنیں والدہ سے حصہ مانگ رہی ہیں ،براہِ کرم بتائیں کہ بہنوں کا حصہ مانگنا درست ہے؟اگر والدہ اپنی زندگی میں تقسیم کرنا چاہیں تو کیا طریقہ کار ہوگا؟ ہم دو بھائی اور بہنیں ہیں والدکا33 سال قبل انتقال ہوچکا ہے۔ نوٹ:مذکورہ مکان خالصتاً والدہ کی ملکیت ہے۔بینوا توجروا! سائل:نور حکیم،کورنگی۔

ابوحذیفہ محمد ابراہیم سکندری · Accepted Answer

پوچھی گئی صورت کا حکمِ شرع یہ ہے کہ آپ کی بہنوں کا والدہ سے اپنے حصہ کا مطالبہ کرنا درست نہیں ہے،کیونکہ زندگی میں اولاد کا والدین سے وراثت میں اپنا حصہ مانگنا اسلامی نقطۂ نظر سے ناپسندیدہ عمل ہے،والدین کی زندگی میں اولاد کابطور وراثت کچھ بھی حصہ نہیں ہے۔ شریعت کے مطابق والدین کی جائیداد کا تقسیم اس وقت ہوتی ہے جب وہ وفات پائیں،لہذاکسی شخص کی زندگی میں اس کا مال بطورِ ترکہ یا وراثت تقسیم نہیں ہوتا ،وہ مال کا خود مالک و مختار ہے ،جیسا چاہے اپنے مال میں تصرف کر سکتا ہے۔تقسیم کا عمل پہلے بتانا اس لیے ممکن نہیں کہ اللہ تعالیٰ ہی بہتر جانتا ہے کہ پہلے کس کی موت واقع ہوگی اور کس کی بعد میں ،اور کون وارث بنے گا اور کون مورث(جس کی وراثت دوسروں کو ملے)۔؟ اگر کوئی شخص اپنی زندگی میں اپنے مال کا کچھ حصہ اپنی اولاد میں تقسیم کرنا چاہتا ہے ،تو شریعت کی رو سے پسندیدہ عمل یہ ہے کہ وہ تمام اولاد کو مسا...