Zindagi Mein Aulaad Ka Baap Se Apna Hissa Mangne Ki Shar'i Haisiyat

Question

کیا فرماتے ہیں علماءِ دین و مفتیانِ شرع ِمتین اس مسئلے کے متعلق کہ میرا ایک ذاتی مکان ہے، جس میں رہائش پذیر ہوں، میرے کچھ بچےجو الگ رہتے ہیں وہ اب حصہ مانگ رہے ہیں ، براہ کرم رہنمائی فرمائیے کیا بچوں کا حصہ مانگنا جائز ہے کہ نہیں؟ اور اگر ابھی میں تقسیم کرنا چاہوں تو کس طرح تقسیم کرنا ہوگا ۔ میری اہلیہ کا انتقال ہوگیا، میرے 9 بیٹے اور 2 بیٹیاں ہیں براہ کرم تفصیل سے جواب عنایت فرمائیں! بینوا توجروا سائل:رشید احمد،کورنگی

ابوحذیفہ محمد ابراہیم سکندری · Accepted Answer

زندگی میں اولاد کا والدین سے وراثت میں اپنا حصہ مانگنا اسلامی نقطۂ نظر سے ناپسندیدہ عمل ہے،والدین کی زندگی میں اولاد کابطور وراثت کچھ بھی حصہ نہیں ہے۔ شریعت کے مطابق والدین کی جائیداد کا تقسیم اس وقت ہوتی ہے جب وہ وفات پائیں،لہذاکسی شخص کی زندگی میں اس کا مال بطورِ ترکہ یا وراثت تقسیم نہیں ہوتا ،وہ مال کا خود مالک و مختار ہے ،جیسا چاہے اپنے مال میں تصرف کر سکتا ہے۔تقسیم کا عمل پہلے بتانا اس لیے ممکن نہیں کہ اللہ تعالیٰ ہی بہتر جانتا ہے کہ پہلے کس کی موت واقع ہوگی اور کس کی بعد میں ،اور کون وارث بنے گا اور کون مورث(جس کی وراثت دوسروں کو ملے)۔؟لیکن اگر کوئی شخص اپنی زندگی میں اپنے مال کا کچھ حصہ اپنی اولاد میں تقسیم کرنا چاہتا ہے ،تو شریعت کی رو سے پسندیدہ عمل یہ ہے کہ وہ تمام اولاد کو مساوی طور پر دے،مگر یہ تقسیم وراثت نہیں کہلائے گی بلکہ "ہبہ"(Gift) کہلائے گا اور" ہبہ" میں اولاد کے ماب...