"Masjid ki zarurat se izafi ashya ko ijarah par dene ka hukm."

Question

کیا فرماتے ہیں علمائے کرام اس مسئلے کے متعلق کہ ہماری مسجد میں بجلی کے لیے سولر سسٹم نصب کیا گیا ہے۔ مسجد میں عموماً سولر کی بجلی پانچ نمازوں کے اوقات میں استعمال کی جاتی ہے، جبکہ باقی اوقات میں سولر سسٹم بجلی پیدا کرتا رہتا ہے جس کی وجہ سے بجلی اضافی بن جاتی ہے۔اس حوالے سے مسجد کی انتظامیہ یہ معلوم کرنا چاہتی ہے کہ اگر اس اضافی بجلی کو کسی دوسرے فرد، گھر یا ادارے کو مناسب معاوضہ لے کر فروخت کر دیا جائے اور اس سے حاصل ہونے والی رقم مسجد کے اخراجات، مرمت، صفائی یا دیگر دینی ضروریات پر خرچ کی ج...

ابوحذیفہ محمد ابراہیم سکندری · Accepted Answer

مسجد کی مملوکہ اشیاء اگر اس کی ضرورت سے زائد ہوں، اور فی الحال مسجد کو ان کی حاجت نہ ہو، نیز ان کو محفوظ رکھنے میں ضیاع کا اندیشہ ہو، تو ایسی صورت میں انہیں فروخت کرکے حاصل شدہ رقم کو مصالحِ مسجد میں صرف کرنا جائز ہے۔لہذاصورت مسئولہ میں چند شرائط کے ساتھ مسجد کے سولر سسٹم سے حاصل ہونے والی اضافی بجلی کو کسی دوکان، گھر یا ادارہ کو فراہم کرنا جائز ہے: 1:۔یہ کہ فی الواقع مسجد کا سولر سسٹم ضرورت سے زائد بجلی پیدا کر رہا ہو اور اس اضافی بجلی کی مسجد کو کوئی حاجت نہ ہو۔ 2:۔ایسے ایام میں جب موسم ابر آلود ہو اور سولر سسٹم مناسب بجلی پیدا نہ کر رہا ہو، کسی کو کنکشن فراہم نہ کیا جائے، تاکہ مسجد کی ضروریات، خصوصاً نمازوں کے اوقات متاثر نہ ہوں۔ 3:۔بجلی کی فراہمی صرف اسی وقت کی جائے جب سولر سسٹم براہِ راست بجلی پیدا کر رہا ہو (عموماً صاف موسم میں شام تک)، تاکہ بیٹری پر غیر ضروری بوجھ نہ پڑے، کیونکہ...