"Masjid ki bijli ko masjid par waqf shudah dukan mein istemal karne ka hukm."

Question

کیا فرماتے ہیں علمائے کرام اس مسئلے کے متعلق کہ جامع مسجد ابو ذر غفاری کی ایک دکان مسجد کی ملکیت ہے،جس کی تمام آمدنی( بذریعہ کرایہ) مسجد میں ہی استعمال ہوتی ہیں۔کیا اس صورت میں مسجد کی بجلی اس دکان میں استعمال کر سکتے ہیں؟بینوا توجروا!

ابوحذیفہ محمد ابراہیم سکندری · Accepted Answer

پوچھی گئی صورت میں یہ واضح رہے کہ اگر مذکورہ دکان بھی وقفِ مسجد ہے اور اس کی آمدنی مسجد کے مصالح میں خرچ ہوتی ہے تو وہ بھی ایک اعتبار سے مصالحِ مسجد میں داخل ہے۔ تاہم وقف کے اموال اور ان سے متعلقہ سہولیات کے استعمال میں اصول یہ ہے کہ انہیں ان کے مخصوص مصرف کے مطابق ہی استعمال کیا جائے اور ایسا طریقہ اختیار کیا جائے جس میں وقف کے مال کے ضیاع یا اشتباہ کا اندیشہ نہ ہو۔ ہمارے عرف میں عمومی طور پر بازار کی دکانوں کی بجلی اور دیگر یوٹیلٹی اخراجات کرایہ دار کے ذمہ ہوتے ہیں، اور اکثر مساجد میں بھی یہی طریقہ رائج ہے کہ مسجد کی ملکیت میں موجود دکانوں کے لیے الگ بجلی کے میٹر لگائے جاتے ہیں اور ان کا بل کرایہ دار ادا کرتا ہے۔بعض مقامات پر انتظامی غفلت یا ناواقفیت کی وجہ سے مسجد کے کنکشن سے ہی دکانوں کو بجلی فراہم کر دی جاتی ہے، جبکہ اس صورت میں مسجد کی بجلی کے اخراجات میں اضافہ ہوتا ہے اور وقف کے...