Ghair waqfi maqasid mein masjid ki bijli istemal karne ka hukm."

Question

کیا فرماتے ہیں علمائے کرام اس مسئلے کے متعلق کہ ایک مسجد کے امام نے چارجنگ والی بائیک لی ہے تو کیا اب وہ مسجد کی بجلی پر بائیک کو چارج کر سکتا ہے یا نہیں ؟جبکہ مسجد میں سولر سسٹم نصب ہے۔بینوا توجروا! نوٹ:سائل سے معلوم ہوا کہ وہ دن کے ٹائم بامرِ مجبوری تھوڑی بہت چارجنگ کرتے ہیں ۔

ابوحذیفہ محمد ابراہیم سکندری · Accepted Answer

پوچھی گئی صورت میں امام مسجد کی بجلی سے اپنی ای بائک (E-Bike) مندرجہ ذیل چند شرائط کے ساتھ چارج کرسکتا ہے ۔ 1:۔ اگر واقعی مسجد کا سولر سسٹم اضافی بجلی پیدا کر رہا ہو اور اس اضافی بجلی کی مسجد کو ضرورت بھی نہ ہو۔ 2:۔ بجلی کی فراہمی صرف اسی وقت کی جائے جب سولر سسٹم براہِ راست بجلی پیدا کر رہا ہو (عموماً صاف موسم میں شام تک)، تاکہ بیٹری پر غیر ضروری بوجھ نہ پڑے، کیونکہ اس سے بیٹری کی عمر میں کمی اور وقف کے مال کو نقصان پہنچنے کا اندیشہ ہے، نیز بسا اوقات عشاء اور فجر کے لیے بیک اپ بھی متاثر ہو سکتا ہے ۔ 3:۔چارجنگ کے وقت خیال رکھا جائے بائیک عینِ مسجد یاصحنِ مسجد میں کھڑی نہ کی جائے ۔ اس کی تفصیل یہ ہے کہ مسجد کی بجلی اصلاً مصالحِ مسجد کے لیے وقف ہوتی ہے، یعنی وہ امور جن سے مسجد کے دینی، عبادتی اور انتظامی تقاضے پورے ہوتے ہوں۔امام مسجد، مسجد کے نظام اور اس کے مصالح کا ایک بنیادی حصہ ہوتا ہے...