Rate barhne ke intezar mein aarhti ke paas gandum rakhwane aur aarhti ki ujrat ka hukm

Question

کیا فرماتے ہیں علمائے دین و شرع متین اس مسئلہ کے بارے میں کہ جب مالک نے آڑھتی کے پاس اپنی گندم رکھوائی کہ جب ریٹ زیادہ ہوگا تو اس گندم کو بیچ دے گا لہذا اس طریقے سے آڑھتی کے پاس گندم رکھوانا جائز ہے یا نہیں؟اگر آڑھتی نے گندم بیچ دی تو کیا آڑھتی مالک کو پانچ ماہ پہلے والا ریٹ مثلاً3 ہزار روپے کے حساب سے پیسے دے گا یا موجودہ ریٹ مثلاًپانچ ہزار روپے کے حساب سے اس میں سے مالک کے لیے کون سے پیسے لینا جائز ہیں؟ مذکورہ مسئلہ کا مدلل جواب عنایت فرمائیں!بینوا توجروا

محمد الطاف چشتی · Accepted Answer

پو چھی گئی صورت میں حکم شرعی یہ ہے کہ مالک کا آڑھتی کے پاس قیمت کے بڑھنے کے انتظار میں گندم رکھوانا جائز ہےکیونکہ اس کے رکھوانے سے شہر والوں کو نقصاں نہیں ہورہا ۔اور چونکہ یہاں آڑھتی کی حیثیت بروکر کی ہے،لہذا جب اس نے گندم بیچ دی تو اس سےحاصل ہونے والی کل رقم مؤکل (مالک)کی ہوگی اور اس کےلئے موجودہ ریٹ مثلاً (پانچ ہزار5000) کے حساب سے پیسے لینا جائز ہیں ۔ البتہ آڑھتیکی بروکری کی دو صورتیں ہیں: یا تو بروکری فیصد سے طے ہوگی یا اصلا ہی کچھ طے نہیں ہوگا۔پہلی صورت میں بروکری جتنے فیصد طے ہوئی آڑھتی اسی کا حقدار ہوگا لیکن اگر دوسری صورت ہو کہ بروکری میں کچھ طے نہ ہوا ہوتو اسے اجرت مثل (یعنی مارکیٹ میں اس قسم کے کام پر جتنا مال دیا جاتا ہے) دی جائے گی۔ نیز آڑھتی کی آمدنی کی تفصیل اس کے کام کے اعتبار سے مندرجہ ذیل ہے۔ 1 ۔آڑھتی کے پاس کوئی چیز رکھوانا کہ جب ریٹ بڑھے گا تو اس کو بیچ دینا اور اپ...