Madrasay Ke Liye Jama Ki Gayi Qurbani Ki Khalon Ki Raqam Ko Masjid Ke Ikhrajat Mein Kharch Karne Ka Hukm

Question

کیا فرماتے ہیں علماء کرام اس مسئلے کے ہم نے قربانی کی کھالیں مدرسے کے لیے جمع کی تھیں ،لیکن اب ہمیں مسجد کے اخراجات کو پورا کرنی کی ضرورت ہے،کیا کھالیں دینے والوں کی اجازت سے وہ پیسا مسجد میں خرچ کرسکتے ہیں ؟بینوا توجروا!

ابوحذیفہ محمد ابراہیم سکندری · Accepted Answer

یاد رہے کہ مسجد اور مدرسہ دونوں الگ الگ مستقل وقف ہیں مدرسہ کی کوئی چیز مسجد میں استعمال نہیں ہو سکتی اور نہ ہی مسجد کی کوئی چیز مدرسہ میں استعمال ہو سکتی ہے اسی طرح مسجد کے چندہ مدرسہ کے مدرسین کے وظائف اور مدرسہ کی دیگر ضروریات میں استعمال نہیں کیا جا سکتا ۔ لیکن اگر چند ہ مسجد اور مدرسہ کے نام پر اکٹھا کیا جاتا ہے یا لوگ مسجد یا مدرسہ میں خرچ کرنے کی اجازت دے دیتے ہیں (جیساکہ مذکورہ مسئلے لوگ اس کی اجازت دے دیتے ہیں)، تو پھراس کو مسجد یا مدرسہ میں استعمال کر نے کی اجازت ہے ۔ جیساکہ درمختار مع رد المحتار میں ہے: " وان اختلف احدهما بان بنی رجلان مسجدین او رجل مسجد او مدرسة ووقف علیهما اوقافا لا یجوز له ذلک " ترجمہ:اور اگر واقف یا جہت وقف دونوں کی مختلف ہو مثلاً دو آدمیوں نے علیحدہ علیحدہ مسجد بنائی یا ایک مرد نے مسجد بنائی اور دوسرے نے مدرسہ بنایا اور ہر ایک نے ان کے لئے الگ وقف مقرر...