بیرون ملک والوں کی قربانی کا حکم

Question

کیا فرماتے ہیں علمائے دین اس مسئلے کے بارے میں کہ ایک ملک میں مقیم شخص دوسرے ملک میں اپنی قربانی کروائے، تو اس میں دونوں جگہ قربانی کا وقت ہونا ضروری ہے یا فقط جس جگہ قربانی ہورہی ہے وہاں ایامِ قربانی ہونا کافی ہے؟

ابو الحسان محمد شعیب مدنی · Accepted Answer

صحیح قول کے مطابق دونوں ملکوں میں قربانی کا وقت ہونا ضروری ہے؛ کیونکہ قربانی کے نفسِ وجوب کا سبب ‘‘وقت’’ ہے۔ اس خاص وقت سے پہلے قربانی واجب نہیں ہوتی ، پس اگر دوسرے ملک میں جہاں مؤکل (یعنی قربانی کا حکم دینے والا) موجود ہے، ابھی وقت ہی نہیں آیا تو اس کے لیے قربانی کا نفسِ وجوب ہی ثابت نہ ہوا، جب قربانی واجب ہی نہ ہوئی تو ادا کیسے ہوگی؟ اس کی مثال بالکل ایسی ہے جیسے کوئی وقت داخل ہونے سے پہلے نماز پڑھ لے، یقیناً اس کی نماز نہیں ہوگی ۔ فرق صرف اتنا ہے کہ نماز میں نیابت جاری نہیں ہوسکتی جبکہ قربانی میں نیابت ہوسکتی ہے تو جس طرح وقت داخل ہونے سے پہلے نماز نہ ہوگی یونہی وقت سے پہلے اس کی طرف سے قربانی بھی نہ ہوگی۔ بدائع الصنائع میں ہے: " وأما وقت الوجوب فأيام النحر فلا تجب قبل دخول الوقت لأن الواجبات الموقتة لا تجب قبل أوقاتها كالصلاة والصوم ونحوهما " ترجمہ: بہرحال اس کے وجوب کا وقت تو وہ ...