government ki Zameen par Qaim Masjid ki Shar'i Haisiyat aur Muawza ki Raqam ka Masraf

Question

کیا فرماتے ہیں علمائے کرام مندرجہ ذیل مسئلہ کے متعلق کہ تقریباً بیس سال قبل ریلوے کی ملکیت کی ایک زمین پر ایک مسجد اور مدرسہ تعمیر کیا گیا تھا۔ اس وقت مقامی ذمہ داران نے ریلوے کے متعلقہ افسر سے اجازت لی تھی، جس پر اس نے زبانی طور پر مسجدومدرسہ بنانے کی اجازت دی تھی ۔تاہم اس زمین کا ٹائٹل ڈیڈ،رجسٹریشن یا ملکیت مسجد یا ادارے کے نام منتقل نہیں ہوئی تھی۔ان بیس سالوں میں وہاں باقاعدگی سے پنج وقتہ نمازیں،جمعہ،دینی تعلیم اور دیگر مذہبی سرگرمیاں جاری رہیں۔ لیکن اس عرصے کے دوران جب بھی مسجد یا مدرسہ م...

ابوحذیفہ محمد ابراہیم سکندری · Accepted Answer

صورتِ مسئولہ کا حکمِ شرعی یہ ہے کہ چونکہ استفتاء میں بیان کردہ زمین محکمۂ ریلوے کی ملکیت تھی اور مسجد و مدرسہ کے قیام کے لیے صرف استعمال کی اجازت دی گئی تھی، جبکہ زمین کی ملکیت یا وقف مسجد و مدرسہ کے نام منتقل نہیں کی گئی تھی، بلکہ تعمیر، توسیع، مرمت اور دیگر تصرفات بھی محکمۂ ریلوے کی اجازت کے ساتھ مشروط تھے، اس لیے یہ زمین بدستور محکمۂ ریلوے ہی کی ملکیت میں رہی۔ واضح رہے کہ وقفِ صحیح کے لیے ضروری ہے کہ وقف کرنے والا وقتِ وقف اس چیز کا مالک ہو؛ کیونکہ غیر مملوکہ چیز کا وقف شرعاً معتبر نہیں ہوتا۔ لہٰذا مذکورہ زمین چونکہ مسجد و مدرسہ کے ذمہ داران کی ملکیت نہ تھی، بلکہ صرف اذنِ انتفاع (استعمال کی اجازت) حاصل تھی، اس لیے اس پر قائم عمارت کو شرعی اصطلاح میں مسجدِ موقوفہ کا حکم حاصل نہ ہوگا، اور اس پر وقفِ مسجد کے وہ مخصوص احکام جاری نہیں ہوں گے جو موقوفہ مسجد کے لیے ہوتے ہیں۔چنانچہ محکمہ...