"Talaq De Dunga" Kehne Se Talaq Ka Hukm

Question

کیا فرماتے ہیں علماءِ دین و شرعِ متین اس مسئلہ کے متعلق کہ میں نے اپنی بیوی کی طرف اشارہ کرتے ہوئے اپنی بڑ ی بیٹی سے کہا "اس کو لے جاؤ میں اس کو طلاق دے دوں گا میں اس کو طلاق دے دوں گا "اب سوال یہ ہے کہ اس صورت میں طلاق واقع ہوئی یا نہیں شریعت کے اعتبار سے رہنمائی فرمائیں ؟ بینوا توجروا!

محمد الطاف چشتی · Accepted Answer

پوچھی گئی صورت میں حکمِ شرع یہ ہے کہ مذکورہ الفاظ "اس کو لے جاؤ میں اس کو طلاق دے دوں گا "یہ محض طلاق کا وعدہ اورطلاق کی دھمکی ہے لہذا اس صورت میں کوئی طلاق واقع نہیں ہوئی۔ اس کی تفصیل یہ ہےکہ طلاق کے واقع ہونے کےلئے ضروری ہے کہ شوہر طلاق کا انشاء (میں تمہیں طلاق دیتاہوں ،طلاق دی )یا اقرار(میں اپنی بیوی کو طلاق دے چکا ہوں ،طلاق دی تھی ) کرے جبکہ مذکورہ صورت میں "اس کو لے جاؤ میں اس کو طلاق دے دوں گا،میں اس کو طلاق دے دوں گا"یہ انشاءِ طلاق ہے نہ اقرارِ طلاق بلکہ محض وعدہِ طلاق ہےکیونکہ ان الفاظ کا استعمال مستقبل کےلئے خاص ہے اور مستقبل کے الفاظ سے طلاق واقع نہیں ہوتی ۔ ردالمحتار علی الدرالمختار میں ہے : "وکذا المضارع اذا غلب فی الحال مثل اطلقک " ترجمہ: اسی طرح مضارع(بغیر نیت کے طلاق واقع ہوجائے گی )جب یہ اکثر حالکےلئے استعمال ہوتاہو جیسے میں تجھے طلاق دیتاہوں۔ (ردالمحتار علی الدرالمختار...