Safar-e-Shar'i ki Miqdar aur Mukhtalif Shehron ke Safar ki Surat Mein Musafir Hone ka Hukm

Question

کیا فرماتے ہیں علماءِ دین و شرعِ متین اس مسئلہ کے متعلق کہ میں مدارس المدینہ ڈیرہ اسماعیل خان ڈویژن کا ناظم اعلی ہوں، میرا گھر ڈیرہ اسماعیل خان سے 85 کلو میٹر کی مسافت پر ہے، میں گھر سے ڈیرہ اسماعیل خان کیلئے روانہ ہوتا ہوں اور مدرسہ المدینہ ڈیرہ اسماعیل خان میں رہائش کا ارادہ کرتا ہوں اور اکثر وہیں رہائش پذیر ہوتا ہوں اور اپنا جدول مکمل کرکے 15 دن سے بھی پہلے واپس گھر آجاتا ہوں، لیکن اڑوس پڑوس شہروں کے مدارس میں بھی جانا ہوتا ہے جن کی مسافت ڈیرہ اسماعیل خان سے آگے 50 سے 60 کلو میٹر بنتی ہے، ...

محمد الطاف چشتی · Accepted Answer

پوچھی گئی صورت میں حکمِ شرعی یہ ہے کہ جب آپ گھر سے ڈیرہ اسماعیل خان کے ارادےسےنکلتے ہیں اور وہاں سامان رکھ کر دوسرے علاقوں میں کام کے لئے نکلتے ہیں یا واپسی پہ جب ڈیرہ اسماعیل خان کے ارادے سے نکلتے ہیں اور پھروہاں سے گھرکے لئے نکلتے ہیں تو آپ مسافر نہیں ہوں گے لہذا آپ مکمل نماز پڑھیں گے اور جب آپ گھر سے سیدھا دوسرے علاقوں کی طرف پندرہ دن سے کم کے ارادےسے 92کلومیٹر یا زائد مسافت پر سفر کے ارادہ سے نکلتے ہیں یا وہاں سےواپسی پہ سیدھاگھر کے ارادے سے نکلتے ہیں تو آپ مسافر ہوں گے لہذا آپ قصر نماز پڑھیں گے۔ اس کی تفصیل یہ ہےکہ سفرشرعی کی مقدار تین دن کی مسافت ہے جومفتیٰ بہ قول کے مطابق ساڑھے ستاون انگریزی میل (92.16کلو میٹر )بنتی ہے کیونکہ ہمارے شہروں میں سال کے چھوٹے دنوں(جنوری ،فروری کے کچھ دنوں ) میں طلوعِ فجر سے زوال تک سات گھنٹے کے قریب (تقریباً6گھنٹے اور 50منٹ ) ٹائم ہوتا ہےاورپیادہ اپن...