Le Palak Bete Ko Zindagi Ya Wafat Ke Baad Tarakah Mein Se Kuch Dena Kaisa?

Question

کیا فرماتے ہیں علماءِ دین و مفتیانِ شرع ِمتین اس مسئلے کے متعلق کہ میرے چار بیٹے اور تین بیٹیاں ہیں دو سگی اور لے پالک ہے اور ایک بیوی ہے ،لہذا اب پوچھنا یہ چاہتا ہوں کہ اگر میں ابھی اپنا مال زندگی تقسیم کرنا چاہوں تو کس طرح تقسیم کاری ہوگی؟ نیز میرے مرنے کے بعد میرا مال کس طرح تقسیم ہوگا؟ ۔۔۔۔۔۔۔۔بینوا توجروا! سائل:محمد کلام اللہ،گلستانِ جوہر کراچی

ابوحذیفہ محمد ابراہیم سکندری · Accepted Answer

زندگی میں اولاد کا والدین سے وراثت میں اپنا حصہ مانگنا اسلامی نقطۂ نظر سے ناپسندیدہ عمل ہے،والدین کی زندگی میں اولاد کابطور وراثت کچھ بھی حصہ نہیں ہے۔ شریعت کے مطابق والدین کی جائیداد کی تقسیم اس وقت ہوتی ہے جب وہ وفات پائیں،لہذاکسی شخص کی زندگی میں اس کا مال بطورِ ترکہ یا وراثت تقسیم نہیں ہوتا ،وہ مال کا خود مالک و مختار ہے ،جیسا چاہے اپنے مال میں تصرف کر سکتا ہے۔تقسیم کا عمل پہلے بتانا اس لیے ممکن نہیں کہ اللہ تعالیٰ ہی بہتر جانتا ہے کہ پہلے کس کی موت واقع ہوگی اور کس کی بعد میں ،اور کون وارث بنے گا اور کون مورث(جس کی وراثت دوسروں کو ملے)۔؟لیکن اگر کوئی شخص اپنی زندگی میں اپنے مال کا کچھ حصہ اپنی اولاد میں تقسیم کرنا چاہتا ہے ،تو شریعت کی رو سے پسندیدہ عمل یہ ہے کہ وہ تمام اولاد کو مساوی طور پر دے،مگر یہ تقسیم وراثت نہیں کہلائے گی بلکہ "ہبہ"(Gift) کہلائے گا اور" ہبہ" میں اولاد کے ماب...