jaali-talaq-nama-banwane-se-talaq-ka-wuqoo-aur-biwi-ko-muallaq-rakhny-ka-hukam

Question

کیا فرماتے ہیں علماء کرام اس مسئلے میں کہ ایک شخص کی اپنی بیوی سے دس سال سے ناراضگی ہے ،اور اس کو طلاق نہیں دی ،لیکن اب وہ دوسری شادی کرنا چاہتا ہے، تو وہ کہتے ہیں کہ پہلی بیوی کی طلاق کا ثبوت دکھاؤ،تو وکیل نے اسے کہا کہ عدالت سے جعلی طلاق نامہ بنواکر ان کو دکھا دیتے ہیں ،اب پوچھنا یہ ہے کہ وہ اپنی بیوی کو طلاق دینا بھی نہیں چاہتا کہ اگر دوسرا رشتہ نہیں ہوا، تو اس کو واپس کرنے کا اختیار ہو،لہذا جعلی طلاق نامہ (جو پہلی کو نہیں دیا جائے گا( بنوانے سے طلاق ہوجائے گی ؟ بینوا توجروا!

ابوحذیفہ محمد ابراہیم سکندری · Accepted Answer

پوچھی گئی صورت کا حکمِ شرع یہ ہے کہ باقاعدہ کورٹ سے طلاق نامہ بنواکر اس پر دستخط کرنے سے فورا طلاق واقع ہوجائے گی ،اگرچہ اپنی بیوی کو طلاق دینے کی نیت نہ ہو ،اسی طرح عورت کوطلاق نامہ بھیجنے کے بغیر بھی طلاق ہوجاتی ہے۔ نیز مذکورہ صورت میں میاں بیوی کا آپس میں دس سال سے ناراض ہوکر علیحدہ رہنا شرعا ناجائز ہے ،اگر اس کے محرکات دونوں کی جانب سے ہوں ،تو دونوں گناہِ کبیرہ کے مرتکب ٹھریں گے جس سے دونوں کو توبہ کرنا لازم ہے۔اگر کسی ایک کی جانب سے یہ ناراضگی ہو اوردوسرے کا اس میں کوئی قصور نہیں ،تو جس کی جانب سے یہ ناراضگی ہے وہ مرتکب ِگنہگار کبیرہ ہوا،لہذا اس کو اس پر توبہ کرنا لازم ہے۔ نیز اگر واقعی میں میاں بیوی کے درمیان اختلافات اتنے بڑھ گئےہیں کہ صلح کی کوئی صورت نہ رہی ہو ،تو شوہرکو چاہئے کہ اپنی رضا مندی سے اپنی بیوی کو طلاق دے کر زوجیت سے آزاد کردیں۔ بیوی کو لٹکا کر رکھنا شرعًا جائز نہی...