Hamal ki Halat Mein Talaq ka Hukm

Question

کیا فرماتے ہیں علماء کرام اس مسئلہ کے بارے میں کہ ایک عورت کو دو سال پہلے اپنے شوہر نے حاملہ ہونے کی صورت میں طلاق دے کر گھر سے نکال دیا ، اب اس عورت کا دوسرا نکاح ہو رہا ہے ۔ہمیں آپ سے یہ تصدیق کرنی ہے کہ حاملہ ہونے کی صورت میں طلاق ہوئی یا نہیں ؟ جب کہ عورت کے شوہر نے دوسری شادی کر لی ہے ۔ اب یہ عورت دوسری جگہ نکاح کر سکتی ہے یا نہیں ؟بینوا توجروا

سید رئیس شاہ کاظمی · Accepted Answer

عورت چاہے حمل سے ہویانہ ہودونوں صورتوںمیں اگرشوہرطلاق دیدے توطلا ق واقع ہوجاتی ہے اسی لئے تو اللہ تعالی نے قرآن کریم میں حمل والی کی عدت بیان فرمائی ہے۔لوگوںمیں جومشہورہے کہ حمل میں طلاق واقع نہیں ہوتی یہ سراسر غلط اورقرآن وحدیث کے خلاف ہے۔ ارشاد باری تعالی ہے: "وَأُوْلَاتُ الْأَحْمَالِ أَجَلُہُنَّ أَن یَضَعْنَ حَمْلَہُنّ" ترجمہ:حاملہ عورتوں کی عدت (کی انتہا )ان کا وضع حمل ہے۔ (الطلاق:4) اس آیت کی تفسیر میں سید مولانامحمدنعیم الدین مرادآبادی علیہ الرحمۃ فرماتے ہیں : حاملہ عورتوں کی عدت وضع حمل ہے خواہ وہ عدت طلاق کی ہو یا وفات کی۔ (تفسیر خزائن العرفان،سورہ الطلاق،آیت :4) امام اہلسنت امام احمدرضا خان علیہ رحمۃالرحمن فرماتے ہیں: حاملہ کی عدت وضع حمل ہے۔ (فتاوی رضویہ:ج13،ص295،رضافائونڈیشن لاہور ) الغرض حمل میں بھی طلاق ہوجاتی ہے،لہٰذا انقضاء عدت (یعنی بچہ پیدا ہوجانے کے بعد )عورت...