Ghair Muslimon Ko Pakistan Waghera Musalmanon Ke Mumalik Mein Ibadat Khana Banane Ki Shar'an Ijazat Nahin Hai.

Question

کیا فرماتے ہیں علماءِ دین و مفتیانِ شرع ِمتین اس مسئلے کے متعلق کہ ایک علاقہ میں عیسائیوں کے چند گھر ہیں ،اکثریت مسلمانوں کی ہے ،عیسائی چاہتے ہیں کہ وہ اپنی عبادت گاہ بنائیں وہاں ان کی ذاتی زمین ہے نہ پہلے کوئی وہاں معبد تھا ،لہذا اب مسلمانوں کو ان کی عبادت گاہ کے لیے زمین دینا جائز ہے یا نہیں؟نیز عیسائیوں کا مسلمانوں کی اکثریت والے علاقہ میں اپنی عبادت گاہ بنانا کیسا؟ بینوا توجروا! سائل:احسان کریم،پنجاب لاہور

ابوحذیفہ محمد ابراہیم سکندری · Accepted Answer

کسی بھی غیرمسلم کو پاکستان سمیت مسلمانوں کے کسی بھی ملک کے کسی شہر یا گاؤں میں کہیں بھی مسلمانوں کی آبادی زیادہ ہو یا کم از سرِ نو عبادت خانہ کی تعمیر یا پرانہ عبادت خانہ میں اضافہ کی شرعاً اجازت نہیں ہے، اور نہ ہی مسلمانوں کا ان کے عبادت خانہ کیلئے زمین بیچناجائز ہے بلکہ اس میں شرک کرنے پر معاونت ہے جو کہ حرام و ممنوع ہے۔ اوراسی طرح نہ ہی حاکمِ وقت کو اس بات کا شرعاً اختیار حاصل ہے کہ وہ غیر مسلم اقلیت کی نئی عبادت گاہ سرکاری خرچہ پر تعمیر کروائے یا اس کے لیے کوئی سرکاری جگہ فراہم کرے، اس لیے کہ ایسا کرنا شرک کرنے اور غیراللہ کی پرستش کرنے میں معاونت کرنا ہے، جو کہ بنصِ قرآنی حرام ہے، اور اسی پر امت کا سلفاً و خلفاً اجماع ہے۔ واضح رہے کہ شریعتِ مطہرہ نے جس طرح سے مسلمانوں کے حقوق بیان کیے ہیں، اور ان کی جان مال عزت آبرو کی حفاظت کا پابند کیا ہے، بالکل اسی طرح سے غیر مسلموں کے حقوق بھی...