Ghair-e-haizah ki iddat ka hukm

Question

کیا فرماتے ہیں علماءِ دین و شرعِ متین اس مسئلہ کے متعلق کہ میں نے اپنی بیوی کو تین طلاقیں دے دی تھیں یوں کہا تھا کہ میں تمہیں طلاق دیتا ہوں ، میں تمہیں طلاق دیتا ہوں ، میں تمہیں طلاق دیتا ہوں اس کی عمر پچاس سال ہے بچہ دانی میں رسولی کی وجہ سے بچہ دانی نکلوا دی تھی جس کی وجہ سے اس کو دو سال سے حیض نہیں آرہا اور طلاق دئیے ہوئے تین ما ہ گزر گئے ہیں اب سوال یہ ہےکہ اس کی عدت کتنے دن ہوگی ؟ بینوا توجروا! نوٹ:شوہر نے بذریعہ فون کال بتایا کہ طلاق مہینے کے درمیان میں (آٹھ رمضان المبارک کو) دی تھی ۔

محمد الطاف چشتی · Accepted Answer

پوچھی گئی صورت میں حکمِ شرع یہ ہے کہ بچہ دانی نہ ہونے کی وجہ سے عورت کو حیض نہیں آتالہذااس کی عدت تین ماہ (نوے دن ) ہے چونکہ طلاق کو نوے دن گزر گئے ہیں لہذا ا س کی عدت مکمل ہو چکی ہے ۔ اس کی تفصیل یہ ہے کہ وہ مدخولہ عورت جس کو حیض نہ آتاہوتو اس کی عدت تین ماہ ہے لہذا اگر اس کو قمری مہینے کی ابتداء میں طلاق دی جائے توعدت میں تین قمری (چاند کے اعتبار سے) ماہ کا اعتبار ہوگا اگر چہ وہ تین ماہ نوے دن سے کم ہوں اور اگر اس کو مہینے کے درمیان میں طلاق دی جائے تو مفتیٰ بہ قول کے مطابق دنوں کے اعتبار سے تین ماہ (نوے دن ) کا اعتبار ہوتاہے اور مذکورہ مسئلہ میں قمری مہینے کے درمیان میں (آٹھ رمضان المبارک کو) طلاق طلاق دی گئی ہے لہذااس کی عدت دنوں کے اعتبارسےتین ماں(نوے دن) ہوگی چونکہ طلاق کےبعد تین ماہ(نوے دن)گزر چکے ہیں لہذااس کی عدت مکمل ہو چکی ہے۔ ارشادِ باری تعالی ہے : " وَ الَّآ ئِی یَىٕسْنَ ...