Crypto Currency ki Shar'i Haisiyat

Question

کیا فرماتے ہیں علمائے کرام اس مسئلہ میں کہ آج کل کرپٹو کرنسی (مثلاً بٹ کوائن، ایتھیریم) کا رواج روز بروز بڑھ رہا ہے۔ جن کا کوئی مادی وجود نہیں ہوتا، اس لیے ان کی شرعی حیثیت میں شدید ابہام پایا جاتا ہے۔ شریعتِ مطہرہ کی روشنی میں واضح فرمائیں کہ کیا کرپٹو کرنسی کا تبادلہ، خرید و فروخت، اور نفع کمانا جائز ہے؟ نیز قیمتوں کے اتار چڑھاؤ اور ملکی قوانین کی پابندی کا اس حکم پر کیا اثر پڑے گا؟ بینوا توجروا۔

ابوالحسنین محمد وسیم اختر المدنی · Accepted Answer

کرپٹو کرنسی کا تبادلہ اور ان کے ذریعے خرید و فروخت بطور حق فی نفسہٖ جائز ہے۔ تاہم، اس جواز کا عملی نفاذ ملکی قوانین کے تابع ہے، جن ممالک میں قانوناً اس پر پابندی اور تعزیری سزا ہو، وہاں اپنے نفس کو ذلت و قید میں ڈالنے کی شرعی ممانعت کی وجہ سے اس کا لین دین ممنوع اور گناہ ہوگا۔ نیز، اس کا جواز اس شرط سے مشروط ہے کہ یہ لین دین حقیقی ہو، فرضی نہ ہو۔ نیز سود، قمار (جوئے) اور دھوکہ دہی پر بھی مبنی نہ ہو۔مزید یہ کہ بعض کرپٹو کرنسیز میں نقصان کا خطرہ غالب ہے، اگرچہ نفع کی مقدار بھی زیادہ ہوتی ہے، جنہیں "میم کوائن" کہا جاتا ہے، اس سے دور رہنے میں عافیت ہے۔ اور صرف "اسٹیبل کوائن" جن کی مالیت کسی مستحکم اثاثے یا کرنسی سے منسلک ہو، لین دین انہی میں محدود رکھا جائے ۔ پاکستان میں Pakistan Crypto Council" کے نام سے ایک ادارہ بنایا گیا ہے، جس کا کام پاکستان میں ڈیجیٹل اثاثوں اور ڈیجیٹل کرنسی کے لیے ق...