"Agar Tum Ne Bachon Ko Paise Diye To Tum Mujh Par Haram Ho" Se Talaq Ka Hukum

Question

کیا فرماتے ہیں علماءِ دین و مفتیانِ شرع ِمتین اس مسئلے کے متعلق کہ 25دسمبرکو میرا اپنی اہلیہ سے بچوں کے متعلق جھگڑا ہوا، اور میں نے اپنی اہلیہ سے کہا کہ اگر تم نے بچوں کو پیسے دیئے تو تم مجھ پر حرام ہو ،اسی جھگڑے کے دوران 15سے 20منٹ کے بعد کہا کہ جب تک میں نہ کہوں پیسے نہ دینا! میرا روکنے کا مقصد یہ تھاکہ بچوں کو پیسے نہ دیئے جائیں غلط چیزیں کھاتے ہیں۔ اس جھگڑے کے ہونے کے بعد میری اہلیہ نے بچوں کو تاحال پیسے نہیں دیئے، لیکن ایک مرتبہ بھولے سے میری اہلیہ نے بیٹے کو یہ بول دیا کہ یہ پیسے اٹھا ک...

ابوحذیفہ محمد ابراہیم سکندری · Accepted Answer

ائمہ دین کا اجماعی ضابطہ ہے کہ جب طلاق کسی شرط پر مُعلَّق کی جائے تو اس شرط کے پائے جانے کی صورت میں فوراً طلاق واقع ہو جائے گی۔لہذا مذکورہ صورت کا حکم ِ شرع یہ ہے کہ اگر آپ کی بیوی نےکبھی بھی آپ کی اجازت کے بغیر بچوں کو اس لیے پیسے دیئے کہ وہ کوئی چیزوغیرہ کھائیں تواس پر دوسری(کیونکہ اس سے پہلے آپ ایک طلاق دیکر رجوع کرچکے ہیں) طلاقِ بائن(یعنی جس میں از سر نو نئے مہر کے ساتھ نکاح کرنا ضروری ہوگا)واقع ہوجائے گی،جس کےبعد عدت کے اندر یا عدت کے ختم ہونے کے بعد نئے حق مہر کے ساتھ نیا نکاح کرنا ضروری ہوگا ۔ اس کی وجہ یہ ہے کہ یہ الفاظ کہ " اگر تم نے بچوں کو پیسے دیئے تو تم مجھ پر حرام ہو "صریح طلاق کی تعلیق کے الفاظ ہیں،لیکن ان سے طلاق بائن واقع ہوگی ،کیونکہ لفظِ حرام فوری بینونۃ (جدائی) کا متقاضی ہے اور وہ طلاقِ بائن ہی میں ہوتی ہے ۔ طلاق بائن کا حکم یہ ہے کہ اس سے نکاح فوراً ختم ہو جاتا ہے...