Advance (Zar-e-Zamanat) Ki Bunyad Par Kirayah Mein Kami Beshi Karnay Ka Shar'i Hukm

Question

کیا فرماتے ہیں علماء کرام اس مسئلہ کے بارے میں کہ ایک شخص ہے جس کے مکانات ہیں اور وہ انہیں اس طرح ایڈوانس لیکر کرائے پر دیتا ہے ، کہ اگر 50000 ایڈوانس دو گے 3000 ہزار روپے کرایہ ہوگا اور 100000 پر 2000 ہزار روپے کرایہ ہوگا اور 150000 پر 1000ہزار روپے کرایہ ہوگا اور 200000 پر کرایہ کچھ نہیں صرف بجلی اور mantinence ہوگا ، کیا ایسا کرنا شرعاً جائز ہے ؟بینوا توجروا

سید رئیس شاہ کاظمی · Accepted Answer

پوچھی گئی صورت میں مذکورہ شخص کے پاس سیکیورٹی کے طور پر دیا جانے والا زر ضمانت شرعاً قرض ہے ،اگر کوئی شخص ابتداً ہی اس طرح اجارہ کرتا ہے کہ مخصوص ایڈوانس پر مخصوص کرایہ طے کرے تو شرعاً یہ جائز ہے کہ یہ ایک جائز عقد ہے اور اس شخص کو اختیار ہے کہ جتنا مرضی ایڈوانس طلب کرے اور باہمی رضا مندی سے کرایہ بھی جو مرضی طے کرسکتا ہے ،لیکن عقد اجارہ ہونے کے بعد اگر وہ مزید ایڈوانس طلب کرے اور اس کے عوض میں کرایہ میں کمی کر دے تو یہ ناجائزو گناہ ہے کہ اب یہ قرض پر نفع دینا ہو گا جو شرعاً سود ہے ۔اسی طرح وہ صورت کہ جس میں مالک صرف ایڈوانس لے کر اس کے بدلے مکان دے رہا ہے، تو یہاں ایڈوانس دینے والے کے پاس مکان بطوررہن ہوئی اور شے مرہونہ سے راہن و مرتہن دونوں کے لیے نفع حاصل کرنا ناجائزوحرام ہے۔ اللہ تعالی کا ارشادہے : "واحل اللہ البیع وحرم الربوٰ" ترجمہ: اور اللہ نے بیع کو حلال کیا اور سود کو حرام کیا...